കാലടിയിൽ ദളിത് യുവാവിനെ മർദ്ദിച്ച സംഭവത്തിൽ മൂന്ന് പേർ അറസ്റ്റിൽ

ബുധനാഴ്ച കാലടിയിൽ ദളിത് യുവാവിനെ മർദ്ദിച്ച സംഭവത്തിൽ മൂന്ന് പേർ അറസ്റ്റിലായി.കാച്ചപ്പിള്ളി ഷിൻ്റോ (39), ചെങ്കൽ തളിയൻ ബിൻസ് (40), മാഞ്ഞാലിക്കുടി പ്രവീൺ (38) എന്നിവരാണ് അറസ്റ്റിലായത്.

ഫെബ്രുവരി 26ന് ഉച്ചയ്ക്ക് 1.30ഓടെയാണ് സംഭവമെന്ന് കാലടി പോലീസ് പറഞ്ഞു.ചെങ്കൽ ആദിവാസി കോളനിയിലെ ഉണ്ണിയെ മൂവരും ചേർന്ന് മർദിക്കുകയും ജാതീയമായ പരാമർശം നടത്തുകയും ചെയ്തു. തൻ്റെ കോളനിയിലെ പെൺകുട്ടിയോട് മോശമായി പെരുമാറിയതിന് ഷിൻ്റോയെ ഉണ്ണി നേരത്തെ ചോദ്യം ചെയ്തിരുന്നു. ഡിവൈഎസ്പി എ ജെ തോമസും ഇൻസ്പെക്ടർ കെ ഷിജിയുമാണ് കേസ് അന്വേഷിച്ചത്.