സിപിഎം ലോക്കൽ സെക്രട്ടറിയെ കൊലപ്പെടുത്തിയ കേസിലെ പ്രതി റിമാൻഡിൽ

സിപിഎം കൊയിലാണ്ടി സെൻട്രൽ ലോക്കൽ സെക്രട്ടറി പി വി സത്യനാഥനെ (66) വെട്ടിക്കൊലപ്പെടുത്തിയ കേസിലെ പ്രതി അഭിലാഷിനെ (30) കൊയിലാണ്ടി കോടതി റിമാൻഡ് ചെയ്തു. അയൽവാസിയും മുൻ സിപിഎം പ്രവർത്തകനുമാണ് പ്രതി. പാർട്ടിയിൽ നിന്ന് പുറത്താക്കിയതിന് പിന്നിൽ സത്യനാഥനാണെന്ന സംശയമാണ് കൊലപാതകത്തിലേക്ക് നയിച്ചതെന്ന് നാട്ടുകാർ പറയുന്നു. വ്യാഴാഴ്ച രാത്രി 10 മണിയോടെ ചെരിപ്പൂരിലെ ഗാനമേളയ്ക്കിടെയായിരുന്നു സംഭവം. കുടുംബത്തോടൊപ്പം എത്തിയതായിരുന്നു സത്യനാഥൻ. പേരക്കുട്ടി ഉറങ്ങിയ ഉടനെ മകളെ ഏൽപ്പിച്ച് ആൾക്കൂട്ടത്തിലേക്ക് പോയി. ഉടൻ തന്നെ അഭിലാഷ് സർജിക്കൽ ബ്ലേഡ് ഉപയോഗിച്ച് കുത്തുകയായിരുന്നു. കഴുത്തിലും നെഞ്ചിലും കുത്തേറ്റ സത്യനാഥനെ കൊയിലാണ്ടി താലൂക്ക് ആശുപത്രിയിൽ എത്തിക്കുമ്പോഴേക്കും മരിച്ചിരുന്നു.

ഓടി രക്ഷപ്പെട്ട അഭിലാഷ് കൊയിലാണ്ടി പോലീസിൽ കീഴടങ്ങി. ദീര് ഘകാലം കൊയിലാണ്ടി മുനിസിപ്പാലിറ്റി ഡ്രൈവറായിരുന്നു. കുറച്ചുകാലം ഗൾഫിൽ ജോലി കഴിഞ്ഞ് തിരിച്ചെത്തിയ അഭിലാഷ് ഓക്‌സിജൻ സിലിണ്ടർ വിതരണ വാഹനത്തിൻ്റെ ഡ്രൈവറായിരുന്നു.കൊലപാതകത്തിന് ഉപയോഗിച്ച സർജിക്കൽ ബ്ലേഡ് പോലീസ് കണ്ടെത്തി. ഡിഐജി ജോൺസൺ, കണ്ണൂർ ഐജി, സേതുറാം, എസ്പി അരവിന്ദ് സുകുമാർ, ഡിവൈഎസ്പിമാരായ ഹരിപ്രസാദ്, സജേഷ് വാഴവളപ്പിൽ, ബിജു, താമരശേരി ഡിവൈഎസ്പി പ്രമോദ്, സിഐമാരായ മെൽവിൻ ജോസ്, എൻ സുനിൽകുമാർ, ഫോറൻസിക് സ്ക്വാഡ്, ഡോഗ് സ്ക്വാഡ് എന്നിവർ ക്ഷേത്രപരിസരത്തും സത്യനാഥിൻ്റെ വീട്ടിലും തെളിവെടുപ്പ് നടത്തി.