ഷാർജയിൽ എംബാമിങ് കേന്ദ്രം പ്രവർത്തനം തുടങ്ങി

ഷാർജ വിമാനത്താവളത്തിനടുത്തുള്ള അൽ റിഫ പാർക്കിനുസമീപത്തെ ഫൊറൻസിക് ലബോറട്ടറി കെട്ടിടത്തിലാണ് കേന്ദ്രം പ്രവർത്തിക്കുന്നത്. ഇതോടെ ഉമ്മുൽഖുവൈൻ, റാസൽഖൈമ, അജ്മാൻ, ഫുജൈറ എന്നീ എമിറേറ്റുകളിൽനിന്നുള്ള മൃതദേഹങ്ങൾ ഷാർജയിൽ എംബാം ചെയ്യുന്നത് കൂടുതൽ എളുപ്പമാകും.ഡോക്ടർ, നഴ്സ്, ടെക്നീഷ്യൻ, സഹായികൾ അടക്കമുള്ള ജീവനക്കാരെയും പുതുതായി ഷാർജ എംബാമിങ് കേന്ദ്രത്തിൽ സർക്കാർ നിയമിച്ചിട്ടുണ്ട്.