മസ്കത്തിൽ വാഹനപകടത്തിൽ ട്രക്ക്​ ഡ്രൈവർ മരിച്ചു

മസ്കത്ത്​ ഗവർണറേറ്റിലെ അമീറാത്ത്-ബൗഷർ മലമ്പാതയിലുണ്ടായ വാഹന അപകടത്തിൽ ട്രക്ക്​ ഡ്രൈവർ മരിച്ചു. വ്യാഴാഴ്ച രാവിലെയായിരുന്നു ട്രക്കും കാറും കൂട്ടിയിടിച്ചുണ്ടായ ദാരുണ സംഭവം നടക്കുന്നത്​.

കൂട്ടിയിടിയിൽ ​ട്രക്കിന്​ തീ പിടിക്കുകയായിരിന്നു. അപകടം നടന്നയുടൻ സ്ഥ​ലത്തെത്തിയ സിവിൽ ഡിഫൻസ്​ ആൻഡ്​ ആംബുലൻസ്​ അതോറിറ്റിയിലെ അഗ്​നിശമന സേനാംഗങ്ങൾ തീ നിയ​ന്ത്രണ വിധേയമാക്കുകയും മറ്റ്​ രക്ഷാ പ്രവർത്തനങ്ങൾ നടത്തുകയും ചെയ്തു.

നിലവിൽ ഈ റോഡ്​ അടച്ചിട്ടിരിക്കുന്നതിനാൽ വാഹനമോടിക്കുന്നവർ ബദൽ പാത ഉപയോഗിക്കണമെന്ന് റോയൽ ഒമാൻ ​പൊലീസ് (ആർ.ഒ.പി) അഭ്യർഥിച്ചു.