ഷാർജ ലൈറ്റ് ഫെസ്റ്റിവൽ സമാപിച്ചു

ഷാർജയിൽ സംഘടിപ്പിച്ച 13 – ാമത് ലൈറ്റ് ഫെസ്റ്റിവൽ ഞായറാഴ്ച സമാപിച്ചു. 12 ദിവസങ്ങളിലായി ഒരേസമയം എമിറേറ്റിലെ 12 കേന്ദ്രങ്ങളിലാണ് ലക്ഷക്കണക്കിന് ആളുകളെ ആകർഷിച്ചുകൊണ്ട് ലൈറ്റ് ഫെസ്റ്റിവൽ സംഘടിപ്പിച്ചത്. സുപ്രീം കൗൺസിൽ അംഗവും ഷാർജ ഭരണാധികാരിയുമായ ശൈഖ് ഡോ.സുൽത്താൻ ബിൻ മുഹമ്മദ് അൽ ഖാസിമിയുടെ രക്ഷാകർതൃത്വത്തിൽ ഷാർജ കൊമേഴ്‌സ് ആൻഡ് ടൂറിസം ഡിവലപ്മെന്റ് അതോറിറ്റിയാണ് ലൈറ്റ് ഫെസ്റ്റിവൽ വിജയകരമായി സംഘടിപ്പിച്ചത്.