മാതാപിതാക്കളോട് പിണങ്ങി വീടുവിട്ടറങ്ങിയ 14 കാരിയെ പീഡിപ്പിച്ചു

കോഴിക്കോട്: കുന്ദമംഗലത്ത് രക്ഷിതാക്കളോട് വഴക്കിട്ട് വീടുവിട്ടിറങ്ങിയ 14-കാരിയെ പീഡിപ്പിച്ച യുവാവ് അറസ്റ്റിൽ. കൊടുവള്ളി തെക്കേപുരയിൽ ടി.കെ. അജ്‌മൽ (24) ആണ് പിടിയിലായത്.

വെള്ളിയാഴ്ച രാവിലെ പതിനൊന്നു മണിയോടെ രക്ഷിതാക്കളുമായി വഴക്കിട്ട് പതിനാലുകാരിയായ പെൺകുട്ടി വീടുവിട്ടിറങ്ങിയത്. തുടർന്ന് കുന്ദമം​ഗലം ബസ്റ്റാന്റിൽ എത്തി. ഇവിടെവെച്ച് പെൺകുട്ടിയ കണ്ട പ്രതി മുക്കത്തെ വീട്ടിൽ കൂട്ടിക്കൊണ്ടുപോയി പീഡിപ്പിക്കുകയായിരുന്നു.

പെൺകുട്ടിയെ കാണാനില്ലെന്ന പരാതിയിൽ അന്വേഷണം നടത്തിയ പോലീസ് പെൺകുട്ടിയെ കണ്ടെത്തിയതോടെയാണ് പീഡിപ്പിക്കപ്പെട്ട വിവരം പുറത്തറിഞ്ഞത്. മുക്കത്ത് നിന്നാണ് പ്രതിയെ പിടികൂടിയത്. ഇയാൾക്കെതിരെ പോക്സോ വകുപ്പുപ്രകാരം കേസെടുത്തതായി കുന്ദമം​ഗലം പോലീസ് അറിയിച്ചു.