ഹജ്ജ്; തീർഥാടകർക്ക് സേവനം നൽകാനായി നാലു ലക്ഷത്തിലധികം തൊഴിലാളികൾ രംഗത്തിറങ്ങി

ഈ വർഷത്തെ ഹജ്ജ് സീസണിൽ തീർഥാടകർക്ക് സേവനം നൽകാനായി നാലു ലക്ഷത്തിലധികം തൊഴിലാളികൾ രംഗത്തിറങ്ങിയതായി ജനറൽ അതോറിറ്റി ഫോർ സ്റ്റാറ്റിസ്റ്റിക്സ് വെളിപ്പെടുത്തി. മൊത്തം 16.5 ലക്ഷത്തിലധികം ഹാജിമാരാണ് ഇത്തവണ ഹജ്ജിൽ പങ്കെടുത്തത്. മക്ക റോഡ് ഇനിഷ്യേറ്റീവിന്റെ പ്രയോജനം മൂന്ന് ലക്ഷത്തിലധികം തീർത്ഥാടകർക്ക് ലഭിച്ചു.

അതോറിറ്റി പുറത്തുവിട്ട കണക്കുകൾ പ്രകാരം, 4,20,000 തൊഴിലാളികളാണ് ഹജ്ജിന്റെ വിവിധ മേഖലകളിൽ തീർഥാടകരുടെ സേവനത്തിൽ പങ്കാളികളായത്. ഈ വർഷം 1,506,576 തീർത്ഥാടകർ വിദേശത്തുനിന്നാണ് എത്തിയത്. ഇവരുടെ സേവനത്തിൽ പങ്കാളികളായവരിൽ 92% പുരുഷന്മാരും 8% സ്ത്രീകളുമായിരുന്നു.