വാടക ഗർഭം: അണ്ഡവും ബീജവും പുറത്തുനിന്ന് സ്വീകരിക്കാൻ അനുമതി നൽകിയേക്കും

ഗർഭപാത്രം വാടകയ്ക്കെടുക്കാനുദ്ദേശിക്കുന്ന അർഹരായ ദമ്പതിമാർക്ക് പുറമേനിന്നുള്ള അണ്ഡമോ ബീജമോ സ്വീകരിക്കാൻ കേന്ദ്രസർക്കാർ അനുമതി നൽകിയേക്കും. അണ്ഡോത്പാദനമോ ബീജോത്പാദനമോ സാധ്യമല്ലാത്ത ദമ്പതികൾക്ക് ഇത് സാധ്യമാക്കുംവിധം നിയമത്തിൽ ഭേദഗതി കൊണ്ടുവരാനാണ് ശ്രമം. വിദഗ്ധരുമായി ഇക്കാര്യത്തിൽ ചർച്ചകൾ തുടങ്ങിയിട്ടുണ്ടെന്നും വൈകാതെ തീരുമാനമെടുക്കുമെന്നും കേന്ദ്രസർക്കാർ സുപ്രീംകോടതിയെ അറിയിച്ചു.