ഓടിക്കൊണ്ടിരുന്ന സ്കൂട്ടർ മേൽപ്പാലത്തിലെ വിടവിലൂടെ താഴേക്ക് വീണു

കോഴിക്കോട്: ദേശീയപാത മേൽപ്പാലത്തിലെ വിടവിലൂടെ സ്കൂട്ടർ താഴേക്ക് വീണ് അപകടം. പണി പൂർത്തിയാവാത്ത ദേശീയപാത കൊയിലാണ്ടി ചെങ്ങോട്ടുകാവ്- നന്തി ബൈപ്പാസിലെ മേൽപ്പാലത്തിലാണ് സംഭവം. മണമൽ അടിപ്പാതയുടെ മേൽ പാലത്തിനു മുകളിലുള്ള ഗ്യാപ്പിലൂടെ സ്‌കൂട്ടർ താഴേക്ക് വീഴുകയായിരുന്നു. അപകടത്തിൽ യാത്രക്കാരൻ തിക്കോടി സ്വദേശിയായ അഷറഫിന് പരിക്കേറ്റു. ഈ ഭാഗത്ത്‌ പണി പുരോഗമിക്കുകയാണ്. കൊയിലാണ്ടി അഗ്നി രക്ഷാ സേനയെത്തിയാണ് ഇയാളെ ആശുപത്രിയിലെത്തിച്ചത്.