ചാർജ് ചെയ്യുന്നതിനിടെ മൊബൈൽ ഫോൺ പൊട്ടിത്തെറിച്ച് വിലപ്പിടിപ്പുള്ള രേഖകൾ കത്തിനശിച്ചു

പാലക്കാട്: കൊല്ലങ്കോട് ചാർജ് ചെയ്യാനിട്ട മൊബൈൽ ഫോൺ പൊട്ടിത്തെറിച്ച് വിലപ്പിടിപ്പുള്ള രേഖകൾ കത്തിനശിച്ചു. ​ഗോപാലകൃഷ്ണൻ എന്നയാളുടെ വീട്ടിലാണ് മൊബൈൽ പൊട്ടിത്തെറിച്ചത്. മക്കളുടെ എസ്എസ്എൽസി, പ്ലസ്ടു സർട്ടിഫിക്കറ്റുകളും കത്തിനശിച്ചവയിൽ ഉൾപ്പെടുന്നു.

ശനിയാഴ്ച വൈകുന്നേരമാണ് അപകടമുണ്ടായത്. വീടിന്റെ മുകളിലെ നിലയിലെ മുറിയിലാണ് ഫോൺ ചാർജ് ചെയ്യാൻ ഇട്ടിരുന്നത്. ഭക്ഷണം കഴിക്കാനായി കുട്ടികൾ താഴെ ഇറങ്ങിയതിന് പിന്നാലെയാണ് പൊട്ടിത്തെറിയുണ്ടായത്.