ഹൈദരാബാദിൽ ചാർമിനാറിന് സമീപം വൻ തീപിടിത്തം;17 പേർ മരിച്ചു

ഹൈദരാബാദ്: ഹൈദരാബാദിൽ ചാർമിനാറിന് സമീപമുണ്ടായ വൻ തീപിടിത്തത്തിൽ എട്ട് കുട്ടികൾ ഉൾപ്പെടെ 17 പേർ മരിക്കുകയും നിരവധി പേർക്ക് പരിക്കേൽക്കുകയും ചെയ്തു.ചാർമിനാറിനോട് ചേർന്ന ഗുൽസാർ ഹൗസിലെ ജ്വല്ലറിയിലാണ് തീപിടിത്തമുണ്ടായത്. ഷോ‍ർട്ട് സർക്യൂട്ടാണ് അപകടകാരണമെന്നാണ് പ്രാഥമിക നിഗമനം. സംഭവത്തിൽ വിശദമായ അന്വേഷണം ആരംഭിച്ചു.നിരവധി വീടുകളും വ്യാപാര സ്ഥാപനങ്ങളും ഉൾപ്പെടുന്ന മേഖലയാണ് ഗുൽസാർ ഹൗസ്. രാവിലെ ആറുമണിയോടെയാണ് തീപിടിത്തമുണ്ടായത്.

കൃഷ്ണ പേൾസ് എന്ന ജ്വല്ലറിയുടെ താഴത്തെ നിലയിൽനിന്ന് ആദ്യ പുക ഉയരുകയും പെട്ടെന്നുതന്നെ തീ കെട്ടിടമാകെ വ്യാപിക്കുകയുമായിരുന്നു. പിന്നാലെ റെസിഡൻഷ്യൽ കോംപ്ലക്സിലേക്കും തീ വ്യാപിച്ചു.രാവിലെ 6 മണിയോടെയാണ് തീപിടിത്തമുണ്ടായതെന്ന് ഉദ്യോഗസ്ഥർ പറഞ്ഞു. തീ നിയന്ത്രണവിധേയമാക്കാനുള്ള ശ്രമങ്ങൾ മണിക്കൂറുകളോളം തുടർന്നു. പരിക്കേറ്റവരെ ഒസ്മാനിയ, യശോദ, ഡിആർഡിഒ, അപ്പോളോ ആശുപത്രികളിലായി പ്രവേശിപ്പിച്ചു.