മീൻ പിടിക്കാൻ പോയ ഗൃഹനാഥനെ മരിച്ച നിലയിൽ കണ്ടെത്തി

തിരുവനന്തപുരം: മീൻ പിടിക്കാൻ പോയ ഗൃഹനാഥനെ കനാലിൽ മരിച്ച നിലയിൽ കണ്ടെത്തി. വെങ്ങാനൂർ ചാവടി നട സ്വദേശി ശ്രീജൻ കുമാറിനെ ( 50 ) യാണ് മരിച്ച നിലയിൽ കണ്ടെത്തിയത്.

ചാവടി നടയ്ക്ക് സമീപം കനാലിൽ ഉച്ചയോടെ അതുവഴിയെത്തിയ കുട്ടികളാണ് മൃതദേഹം ആദ്യം കണ്ടത്. രണ്ട് ദിവസം മുമ്പ് ഇയാൾ തറയിൽ വീണ് തലയ്ക്ക് പരിക്കേറ്റിരുന്നു.

അതിനുള്ള ചികിൽസയ്ക്കായി ഇന്ന് ആശുപത്രിയിൽ പോയി വന്ന ശേഷം കനാലിൽ മീൻ പിടിക്കാൻ ചൂണ്ടയുമായി പോയതാണെന്നാണ് വിവരം.ബാലരാമപുരം പൊലീസ് കേസെടുത്ത് അന്വേഷണം ആരംഭിച്ചു.