അബുദാബിയിൽ പൊതു സ്വകാര്യ സ്കൂളുകളിൽ മൊബൈൽഫോൺ, സ്മാർട്ട് വാച്ച് ഉപകരണങ്ങളുടെ നിരോധനം കർശനമാക്കുന്നു

അബുദാബിയിൽ പൊതു സ്വകാര്യ സ്കൂളുകളിൽ മൊബൈൽഫോൺ, സ്മാർട്ട് വാച്ച് ഉപകരണങ്ങളുടെ നിരോധനം കർശനമാക്കുന്നു.വിദ്യാഭ്യാസ മന്ത്രാലയത്തിന്റെ നിർദേശപ്രകാരമാണ് തീരുമാനം. സ്കൂളുകളിൽ സ്മാർട്ട് ഉപകരണങ്ങൾ ഉപയോഗിക്കുന്നതിലുള്ള നിരോധനം മാറ്റില്ലെന്നും തീരുമാനം അന്തിമമാണെന്നും നയം നടപ്പാക്കുന്ന സ്കൂൾ അഡ്മിനിസ്‌ട്രേഷനുകൾ വ്യക്തമാക്കി. ഇതുസംബന്ധിച്ച ഔദ്യോഗിക പ്രതിജ്ഞകളിൽ വിദ്യാർഥികളും രക്ഷിതാക്കളും ഒപ്പിടേണ്ടതുണ്ട്. അച്ചടക്കം, മികച്ച പഠനാന്തരീക്ഷം എന്നിവ നിലനിർത്താൻ ഇത്തരം കർശന നടപടികൾ നടപ്പാക്കേണ്ടതുണ്ടെന്നും സ്കൂൾ അധികൃതർ വ്യക്തമാക്കി.