കുടുംബ വഴക്കിനിടെ മക​ന്റെ വെട്ടേറ്റ് പിതാവിന് ദാരുണാന്ത്യം

മാനന്തവാടി: മാനന്തവാടിയിൽ കുടുംബ വഴക്കിനെ തുടർന്ന് മകൻ പിതാവിനെ വെട്ടിക്കൊന്നു. എടവക പന്നിച്ചാൽ കനലാട്ട് കുന്ന് മലേക്കുടിയിൽ 63 കാരനായ ബേബി ആണ് കൊല്ലപ്പെട്ടത്. മകൻ റോബിനാണ് പിതാവിനെ വെട്ടിയത്. പൊലീസ് ഇയാളെ കസ്റ്റഡിയിലെടുത്തു. ബുധനാഴ്ച രാത്രി പതിനൊന്ന് മണിയോടെയായിരുന്നു സംഭവം.

നെഞ്ചിൽ ആഴത്തിൽ മുറിവേറ്റബേബിയെ മാനന്തവാടി മെഡിക്കൽ കോളജിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം മോർച്ചറിയിൽ. വത്സയാണ് ബേബിയുടെ ഭാര്യ. മകൾ: റിൻസി, മരുമകൻ: ജിതിൻ.