‘ലൈഫ് ഫാർമസി മെട്രോ സ്റ്റേഷൻ’; യുഎഇ എക്‌സ്‌ചേഞ്ച് മെട്രോ സ്റ്റേഷന്റെ പേര് മാറ്റുന്നു

‘യുഎഇ എക്‌സ്‌ചേഞ്ച് മെട്രോ സ്റ്റേഷന്റെ’ പേര് ‘ലൈഫ് ഫാർമസി മെട്രോ സ്റ്റേഷൻ’ എന്നാക്കി മാറ്റുന്നതായി ദുബായ്‌ റോഡ് ആൻഡ് ട്രാൻസ്‌പോർട്ട് അതോറിറ്റി. സ്റ്റേഷന്റെ പേര് മാറ്റാനുള്ള സ്‌പോൺസർഷിപ് അവകാശം 10 വർഷത്തേക്ക് ലൈഫ് ഫാർമസിക്ക് നൽകിയതായും ആർടിഎ വ്യക്തമാക്കി.

ഈ മാസംമുതൽ ആഗസ്‌തുവരെയുള്ള കാലയളവിൽ പുതിയ പേര് ഔട്ട്‌ഡോർ സൈൻ ബോർഡുകൾ, ഡിജിറ്റൽ ഡിസ്‌പ്ലേകൾ, മൊബൈൽ ആപ്ലിക്കേഷനുകൾ, മെട്രോ സ്റ്റേഷനിലെ അറിയിപ്പുകൾ എന്നിവയിൽ പ്രതിഫലിപ്പിക്കും. സ്ഥാപനത്തിനുള്ളിലെയും പുറത്തെയും എല്ലാ സൈൻ ബോർഡുകളിലും ഡിജിറ്റൽ സംവിധാനങ്ങളിലും ഈ മാറ്റം ക്രമേണ നടപ്പാക്കുമെന്നും അധികൃതർ അറിയിച്ചു. യാത്രക്കാർക്ക് ഈ മാറ്റം സുഗമമായി ഏറ്റെടുക്കാൻ ആവശ്യമായ എല്ലാ നടപടികളും ആർടിഎ സ്വീകരിക്കുന്നുണ്ട്.