ഒമാനിൽ ഇന്ന് മുതൽ വടക്ക്-പടിഞ്ഞാറൻ കാറ്റ് കനക്കും; ജാഗ്രത നിർദേശം

ഒമാന്റെ മിക്ക ഭാഗങ്ങളിലും ഇന്ന് മുതല്‍ വടക്കു-പടിഞ്ഞാറന്‍ കാറ്റ് വീശാന്‍ സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കി. വരും ദിവസങ്ങളിലും കാറ്റ് തുടരും. മിക്ക ഗവര്‍ണറേറ്റുകളെയും വടക്കുപടിഞ്ഞാറന്‍ കാറ്റ് ബാധിക്കും.

കനത്ത പൊടിക്കാറ്റിന് സാധ്യതയുള്ളതിനാൽ ജനങ്ങൾ ജാഗ്രതാ പാലിക്കണമെന്നും അധികൃതര്‍ നിര്‍ദേശിച്ചു.പ്രത്യേകിച്ച് മരുഭൂമിയിലും തുറസായ പ്രദേശങ്ങളിലുമാണ് കാറ്റ് വീശുക. പൊടി ഉയരുന്നത് ദൂരക്കാഴ്ച കുറയാന്‍ ഇടയാക്കും. കൂടാതെ, കടല്‍ പ്രക്ഷുബ്ധമാകുമെന്നും സുല്‍ത്താനേറ്റിന്റെ എല്ലാ തീരപ്രദേശങ്ങളിലും മൂന്ന് മീറ്റര്‍ വരെ തിരമാല ഉയരുമെന്നും അധികൃതര്‍ അറിയിച്ചു.