കീര്‍ത്തി സുരേഷ് സൂര്യയുടെ നായികയാകുന്നു

ലക്കി ഭാസ്‍കറിന്റെ വമ്പൻ വിജയത്തോടെ സംവിധായകൻ വെങ്കി അറ്റ്‍ലൂരിയും പ്രേക്ഷകശ്രദ്ധ ആകര്‍ഷിച്ചിരുന്നു. വെങ്കി അറ്റ്‍ലൂരിയുടെ സംവിധാനത്തിലുള്ള അടുത്ത ചിത്രത്തില്‍ നായകനാകുന്നത് സൂര്യയാണ്. ഇപ്പോഴിതാ ചിത്രത്തിന്റെ പുതിയൊരു അപ്‍ഡേറ്റും പ്രേക്ഷക ശ്രദ്ധയാകര്‍ഷിക്കുകയാണ്. കീര്‍ത്തി സുരേഷ് സൂര്യയുടെ നായികയായി ചിത്രത്തില്‍ എത്തിയേക്കുമെന്നാണ് പുതിയ റിപ്പോര്‍ട്ട്.

അതേസമയം സൂര്യ നായകനായി വരാനിരിക്കുന്ന ചിത്രമാണ് റെട്രോ. കാർത്തിക് സുബ്ബരാജ് ആണ് ചിത്രത്തിൻ്റെ സംവിധാനം നിര്‍വ്വഹിക്കുന്നത്. ചിത്രത്തില്‍ പൂജ ഹെഗ്‍ഡെ ആണ് നായികയായി എത്തുന്നത്. ജോജു ജോര്‍ജ്, ജയറാം, കരുണാകരന്‍, നാസര്‍, പ്രകാശ് രാജ്, സുജിത്ത് ശങ്കര്‍, തരക് പൊന്നപ്പ, കൃഷ്‍ണകുമാര്‍ ബാലസുബ്രഹ്മണ്യൻ, പ്രേം കുമാര്‍ എന്നിവര്‍ മറ്റ് കഥാപാത്രങ്ങളായും ഉണ്ടാകും എന്നാണ് റിപ്പോര്‍ട്ട്. ശ്രേയസ് കൃഷ്‍ണയാണ് ചിത്രത്തിൻ്റെ ഛായാഗ്രാഹണം നിര്‍വഹിക്കുന്നത്. സന്തോഷ് നാരായണനാണ് ചിത്രത്തിലെ സംഗീത സംവിധാനം.

ഒടുവില്‍ സൂര്യ നായകനായി എത്തിയ ചിത്രം കങ്കുവ ആണ്. സൂര്യയുടെ കങ്കുവ ആഗോളതലത്തില്‍ 100 കോടി ക്ലബിലെത്തിയിരുന്നു. ചിത്രത്തിൻ്റെ സംവിധാനം സിരുത്തൈ ശിവയാണ് നിര്‍വഹിച്ചത്. ടൈറ്റില്‍ റോളിലായിരുന്നു കങ്കുവയില്‍ സൂര്യയുണ്ടായിരുന്നത്. വൻ ഹൈപ്പില്‍ എത്തിയ സൂര്യയുടെ ചിത്രം പ്രതീക്ഷിച്ച വിജയമായില്ല. ചിത്രത്തിൻ്റെ ഛായാഗ്രാഹണം വെട്രിവേല്‍ പളനിസ്വാമിയാണ് നിര്‍വഹിച്ചത്.