17 കാരനെ കുത്തിക്കൊലപ്പെടുത്തി ലേഡി ഡോൺ സിക്ര

ഡൽഹി: പതിനേഴുകാരനെ കുത്തിക്കൊലപ്പെടുത്തി ലേഡി ഡോൺ സിക്ര. ഡൽഹിയിലാണ് പാല് വാങ്ങാൻ പോയ 17 കാരനെ സിക്രയും സംഘവും കുത്തിക്കൊന്നത്. സീലംപൂര്‍ സ്വദേശി കുനാലാണ് കൊല്ലപ്പെട്ടത്. ലേഡി ഡോൺ എന്നറിയപ്പെടുന്ന സിക്രയാണ് കൊല നടത്തിയതെന്ന് ബന്ധുക്കൾ ആരോപിച്ചു. കൊലയെത്തുടർന്ന് ശക്തമായ പ്രതിഷേധമാണ് നടക്കുന്നത്. രാജ്യ തലസ്ഥാനത്തെ കുപ്രസിദ്ധ ഗൂണ്ടാ സംഘാംഗമായ സിക്രയുടെ പേര് പല ആക്രമണങ്ങളിലും ഇതിനു മുമ്പും ഉയർന്നുകേട്ടിട്ടുള്ളതാണ്. അതേസമയം സിക്രയും സഹോദരൻ സാഹിലും ഒളിവിലാണ്. ഇവരെ കണ്ടെത്താനുള്ള അന്വേഷണം ഊ‌ർജ്ജിതമാണെന്ന് പൊലീസ് അറിയിച്ചു.