രേണുവിനെ ഉപദേശിച്ച് രജിത്കുമാർ

കൊച്ചി: സുധിയുടെ മരണ ശേഷം നാടകവും ഫോട്ടോഷൂട്ടുകളും റീലുകളുമൊക്കെയായി മുന്നോട്ട് പോകുന്ന രേണുവിന് പലപ്പോഴും വൻ വിമർശനങ്ങളും സൈബർ ആക്രമണങ്ങളും ആണ്നേരിടേണ്ടി വരുന്നത്. ദാസേട്ടൻ കോഴിക്കോട് എന്ന സോഷ്യൽ മീഡയ സെലിബ്രിറ്റിക്കൊപ്പം അടുത്തിടെ ചെയ്ത ആൽബത്തിനെതിരെ വലിയ തോതിൽ സൈബർ ആക്രമണം നേരിട്ടിരുന്നു. എന്നാൽ ഇപ്പോളിതാ ദാസേട്ടൻ കോഴിക്കോടിനൊപ്പം ‘ചെയ്ഞ്ച്’ എന്ന് പേരിട്ടിരിക്കുന്ന സിനിമയിൽ ഒരുമിച്ചഭിനയിക്കാനൊരുങ്ങുകയാണ് രേണു.

ചിത്രത്തിന്റെ പൂജക്കെത്തിയ രേണുവിനെ ഉപദേശിക്കുന്ന ബിഗ് ബോസ് താരം രജിത് കുമാറിന്റെ വിഡിയോയാണ് ഇപ്പോൾ വൈറലാകുന്നത്. ”എന്റെ മോളേ, ഒരു കാര്യം ഞാൻ പറയാം. പുള്ളിക്കാരൻ (ദാസേട്ടൻ കോഴിക്കോട്) തുള്ളിച്ചാടി തുള്ളിച്ചാടി അങ്ങ് പോകും. അവസാനം നിന്റെ കാര്യത്തിൽ ഭാവിയിൽ പണിയാകും. മനസിലായോ? നീ സൂക്ഷിക്കണം”, എന്ന് രജിത് കുമാർ പറയുന്നതും വീഡിയോയിൽ കേൾക്കാം. കൊല്ലം സുധിക്കൊപ്പം താൻ സ്റ്റാർ മാജിക്കിൽ ഒരുമിച്ച് ജോലി ചെയ്തിട്ടുണ്ടെന്നും ആ സ്വാതന്ത്ര്യത്തിന്റെ പുറത്താണ് ഇതൊക്കെ പറയുന്നതെന്നും വിരോധമൊന്നും തോന്നരുതെന്നും രജിത് കുമാർ പറയുന്നുണ്ട്. രജിത് കുമാറിന്റെ വാക്കുകള്‍ ചിരിച്ചുകൊണ്ട് കേള്‍ക്കുന്ന രേണുവിനേയും വീഡിയോയില്‍ കാണാനാകും. ദാസേട്ടൻ കോഴിക്കോടും ഒപ്പമുണ്ടായിരുന്നു.