ബഹ്‌റൈൻ വ്യോമസേന ആസ്ഥാനം സന്ദർശിച്ച് ഹമദ് രാജാവ്

April 13, 2025

ബഹ്‌റൈൻ വ്യോമസേന ആസ്ഥാനം സന്ദർശിച്ച് ഹമദ് രാജാവ്

ബഹ്റൈൻ വ്യോമസേന (ആർ.ബി.എ.എഫ്) ആസ്ഥാനം സന്ദർശിച്ച് സായുധ സേനയുടെ സുപ്രീം കമാൻഡർ രാജാവ് ഹമദ് ബിൻ ഈസ ആൽ ഖലീഫ. ഇസ വ്യോമതാവളത്തിലെത്തിയ അദ്ദേഹത്തെ ബഹ്റൈൻ പ്രതിരോധ സേനയുടെ (ബി.ഡി.എഫ്) കമാൻഡർ ഇൻ ചീഫ് ഫീൽഡ് മാർഷൽ ശൈഖ് ഖലീഫ ബിൻ അഹമ്മദ് ആൽ ഖലീഫ സ്വീകരിച്ചു. ദേശീയ സുരക്ഷ ഉപദേഷ്ടാവും റോയൽ ഗാർഡ് കമാൻഡറുമായ ലെഫ്റ്റനന്റ് ജനറൽ ശൈഖ് നാസർ ബിൻ ഹമദ് അൽ ഖലീഫയും അദ്ദേഹത്തോടൊപ്പമുണ്ടായിരുന്നു.

സന്ദർശന വേളയിൽ ആർ.ബി.എ.എഫിന്‍റെ തയാറെടുപ്പുകളെയും വൈദഗ്ധ്യത്തെയും ഹമദ് രാജാവ് പ്രശംസിക്കുകയും സമർപ്പണബോധത്തിന് നന്ദി അറിയിക്കുകയും ചെയ്തു. പുതുതായി വാങ്ങിയ നൂതന യുദ്ധവിമാനങ്ങൾ പരിശോധിച്ചാണ് രാജാവ് സന്ദർശനം ആരംഭിച്ചത്.