ബോളർമാർ മനോവിദഗ്ധരെ കാണേണ്ട അവസ്ഥയുണ്ടാക്കും : ഐപിഎല്ലിലെ ഫ്ലാറ്റ് പിച്ചിനെതിരെ അശ്വിൻ

ഇന്ത്യൻ പ്രീമിയർ ലീഗിലെ ഫ്ലാറ്റ് വിക്കറ്റ് പിച്ചുകൾക്കെതിരെ വിമർശനവുമായി ആർ അശ്വിൻ രംഗത്ത്. നല്ല പന്തെറിഞ്ഞിട്ടും പിച്ചിൽ നിന്നും പിന്തുണ കിട്ടാത്തത് ബോളർമാരുടെ മാനസികാരോഗ്യത്തെ ബാധിക്കുമെന്ന് അശ്വിൻ

ബോളർമാർക്ക് മാനസിക പിന്തുണയ്ക്ക് മനോവിദഗ്ധരെ കാണേണ്ട അവസ്ഥയുണ്ടാക്കുമെന്നും അശ്വിൻ പറഞ്ഞു.

ഇപ്പോൾ നടന്ന് കൊണ്ടിരിക്കുന്ന ഉയർന്ന സ്കോറിംഗ് മത്സരങ്ങൾ ചൂണ്ടിക്കാട്ടിയാണ് അശ്വിൻ വിമർശനം ഉന്നയിച്ചത്. ആദ്യ അഞ്ച് മത്സരങ്ങളിൽ മൂന്ന് മത്സരങ്ങളിലും രണ്ട് ഇന്നിംഗ്സുകളിലും ടീമുകൾ 200 ന് മുകളിൽ സ്കോർ നേടിയിരുന്നു. 2024 ലെ ഐപിഎൽ സീസണിലും റൺസ്, സ്ട്രൈക്ക് റേറ്റുകൾ, ബാറ്റിംഗ് ശരാശരി എന്നിവയിൽ പുതിയ റെക്കോർഡുകൾ സൃഷ്ടിച്ചിരുന്നു.