പന്ത് കിണറ്റിൽ വീണു ; എടുക്കാനിറങ്ങിയ 40കാരൻ കിണറ്റിൽ അകപ്പെട്ടു

മലപ്പുറം: കാവന്നൂർ – ഏലിയാ പറമ്പ് അംഗൻവാടിയുടെ കിണറ്റിൽ അകപ്പെട്ട യുവാവിനെ മഞ്ചേരി അഗ്നി രക്ഷാസേന രക്ഷപ്പെടുത്തി. കുട്ടികൾ കളിച്ചുകൊണ്ടിരിരുന്ന പന്ത് 60 അടിയോളം താഴ്ചയുള്ള കിണറ്റിലേക്ക് വീണു. അതെടുക്കാനായി കണ്ണൻ ( 40) കിണറ്റിൽ ഇറങ്ങി.

പക്ഷെ തിരിച്ചു കയറുന്നതിനിടെ 20 അടിയോളം ഉയരത്തിൽ നിന്ന് ഇയാൾ താഴ്ചയിലേക്ക് വീഴുകയായിരുന്നു. വീഴ്ചയിൽ ഇയാൾക്ക് സാരമായി പരിക്കേറ്റിരുന്നു.

മഞ്ചേരിയിൽ നിന്ന് അഗ്നി രക്ഷാസേന സ്ഥലത്തെത്തി സീനിയർ ഫയർ ആൻഡ് റെസ്ക്യൂ ഓഫീസറായ കെ പ്രതീഷ് റോപ്പ് ഉപയോഗിച്ച് ഉടൻതന്നെ കിണറ്റിൽ ഇറങ്ങി. പരിക്കേറ്റു കിടന്ന യുവാവിനെ റെസ്ക്യൂ നെറ്റിൽ സുരക്ഷിതമായി സേനാംഗങ്ങളുടെ സഹായത്തോടെ പുറത്തെത്തിച്ചു.