വിദ്യാര്‍ത്ഥികള്‍ തമ്മില്‍ സംഘർഷം ; ഒരാളുടെ മൂക്കിന്റെ എല്ല് പൊട്ടി

കോഴിക്കോട് : കോഴിക്കോട് വെള്ളിമാട്കുന്നില്‍ വിദ്യാര്‍ത്ഥികള്‍ തമ്മില്‍ സംഘര്‍ഷം. ഒരു വിദ്യാര്‍ത്ഥിയുടെ മൂക്കിന്റെ എല്ല് പൊട്ടി.സംഭവത്തിൽ അഞ്ച് വിദ്യാര്‍ത്ഥികള്‍ അറസ്റ്റിലായി. മര്‍ദനത്തിന്റെ സിസിടിവി ദൃശ്യങ്ങള്‍ പുറത്ത് വന്നിരുന്നു.

വെള്ളിമാട്കുന്ന് ജെ ഡി റ്റി കോളജിലെ വിദ്യാര്‍ത്ഥിയായ അഹമ്മദ് മുജ് തബക്ക് ഗുരുതരമായി പരുക്കേറ്റത്. 13 സീനിയര്‍ വിദ്യാര്‍ത്ഥികള്‍ക്കെതിരെ കേസ് എടുത്തു. .

വെള്ളിയാഴ്ചരാത്രിയില്‍ ഒരു ഹോട്ടലിന് മുന്നിലാണ് സംഘര്‍ഷമുണ്ടായത്. മുന്‍വൈരാഗ്യമാണ് അക്രമത്തിന് കാരണം. മുഹമ്മദ് റിബാസ്, ഷാഹിന്‍ , നിഹാല്‍ , മുഹമ്മദ് യാസിര്‍ , എജാസ് അഹമ്മദ് എന്നി 5 വിദ്യാര്‍ത്ഥികളാണ് അറസ്റ്റിലായത്.