പരീക്ഷയ്ക്കായി സ്‌കൂളിലേക്ക് പോയ 13 വയസുകാരിയെ കാണാതായിട്ട് 4 ദിവസം

കോഴിക്കോട്: പരീക്ഷയ്ക്കായി സ്കൂളിലേക്ക് പോയ 13 വയസുകാരിയെ കാണാതായി. താമരശേരിയിലാണ് സംഭവം. പെരുമ്പള്ളി സ്വദേശിയായ പെൺകുട്ടിയെയാണ് കാണാതായത്. പുതുപ്പാടി സർക്കാർ സ്കൂളിലെ എട്ടാം ക്ലാസ് വിദ്യാർഥിയാണ് പെൺകുട്ടി. ചൊവ്വാഴ്ച രാവിലെ 9 മണിയോടെ പരീക്ഷയെഴുതാനായി കുട്ടി സ്കൂളിലേക്ക് പോയതായിരുന്നു. എന്നാൽ പിന്നീട് തിരികെ വന്നില്ല. ബന്ധുവായ മറ്റൊരു യുവാവിനെയും പെൺകുട്ടിയെ കാണാതായ അതേ ദിവസം തന്നെ കാണാതായിരുന്നു. ഇയാൾക്കെതിരെ പെൺകുട്ടിയുടെ കുടുംബം നേരത്തെ പോലീസിൽ പരാതി നൽകിയിട്ടുണ്ട്. പോലീസ് അന്വേഷണം ഊർജിതമാക്കി.