അപകടം നടന്നത് ഒന്നര വർഷം മുൻപ്; ലോറിക്ക് പിന്നിൽ ബൈക്കിടിച്ച് ചികിത്സയിലായിരുന്ന യുവാവ് മരിച്ചു

പാലക്കാട്: വാഹനാപകടത്തെത്തുടർന്ന് ഒന്നര വർഷമായി ചികിത്സയിലിരുന്ന യുവാവ് മരിച്ചു. പാലക്കാട്‌ -കോഴിക്കോട് ദേശീയപാതയിൽ മണ്ണാർക്കാട് കുന്തിപ്പുഴയിൽ വെച്ച് ലോറിക്ക് പിന്നിൽ ബൈക്കിടിച്ചാണ് യുവാവിന് ഗുരുതരമായി പരിക്കേറ്റത്. ഒന്നര വർഷമായി ചികിത്സയിൽ കഴിയുകയായിരുന്നു. കോട്ടോപ്പാടം മേലെ അരിയൂരിൽ കൊടുന്നോട്ടിൽ റഫീഖ് -സലീന ദമ്പതികളുടെ മകൻ 21 കാരനായ ബിൻഷാദ് ആണ് മരിച്ചത്. ഒന്നര വർഷം മുമ്പാണ് അപകടം ഉണ്ടായത്. തുടർന്ന് ചികിത്സയിലായിരുന്നു. ഇന്ന് രാത്രിയാണ് മരിച്ചത്.