കിണർ വൃത്തിയാക്കുന്നതിനിടെ തെന്നി വീണ് 44 വയസുകാരന് ദാരുണാന്ത്യം

കൊച്ചി: കിണർ വൃത്തിയാക്കുന്നതിനിടെയിൽ കാൽ വഴുതി വീണ് 44 വയസുകാരന് ദാരുണാന്ത്യം. അങ്കമാലിയിലായിരുന്നു സംഭവം. കാഞ്ഞൂർ സ്വദേശി വടക്കൻ വീട്ടിൽ ജിനുവാണ് മരിച്ചത്. ഇയാൾ കിണറിലെ ചെളി കോരി മാറ്റുന്നതിനിടയിൽ പാറയിൽ തലയടിച്ച് വീഴുകയായിരുന്നു. വ്യാഴാഴ്ച രാവിലെയായിരുന്നു സംഭവം. പോലീസ് സംഭവസ്ഥലത്തെത്തി തുടർനടപടികൾ സ്വീകരിച്ചു. മൃതദേഹം അങ്കമാലി എല്‍ എഫ് ആശുപത്രി മോർച്ചറിയിലേക്ക് മാറ്റി.