വനിതാദിനാഘോഷവും ഏകദിന ശില്പശാലയും സംഘടിപ്പിച്ചു

വനിതാദിനത്തോടനുബന്ധിച്ച് മുഹമ്മ ഗ്രാമപഞ്ചായത്തിൻ്റെയും സിഡിഎസിൻ്റെയും നേതൃത്വത്തിൽ വനിതാറാലിയും സമ്മേളനവും ബോധവൽക്കരണ ക്ലാസ്സും സംഘടിപ്പിച്ചു. പഞ്ചായത്ത് കോൺഫറൻസ് ഹാളിൽ പ്രസിഡൻ്റ് സ്വപ്ന ഷാബു സമ്മേളനം ഉദ്ഘാടനം ചെയ്തു. സിഡിഎസ് ചെയർപേഴ്സൺ സേതുഭായി അധ്യക്ഷയായി. ‘ആരോഗ്യം ആനന്ദം; അകറ്റാം അർബുദം’ എന്ന വിഷയത്തിൽ മുഹമ്മ സാമൂഹ്യ ആരോഗ്യകേന്ദ്രത്തിലെ ഹെൽത്ത് ഇൻസ്‌പെക്ടർ സി ടി സനിൽ, ഹെൽത്ത് സൂപ്പർവൈസർ വി ടി ജീമോൻ എന്നിവരുടെ നേതൃത്വത്തിലും ‘പെരുതാം ലഹരിക്കെതിരെ’ എന്ന വിഷയത്തിൽ ചേർത്തല എക്സൈസ് റെയിഞ്ച് ഓഫീസർ മനോജിന്റെ നേതൃത്വത്തിലും ബോധവൽക്കരണ ക്ലാസ്സുകൾ നടത്തി. ആരോഗ്യ വിദ്യാഭ്യാസ സ്ഥിരംസമിതി അധ്യക്ഷ നസീമ ടീച്ചർ, പഞ്ചായത്തംഗങ്ങളായ കുഞ്ഞുമോൾ ഷാനവാസ്, ഷെജിമോൾ സജീവ്, വിനോമ്മ രാജു, ജെൻഡർ കൗൺസിലർ സാവിത്രി, മറ്റു ജനപ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുത്തു.