അവർ ആഘോഷിക്കട്ടെ; അന്താരാഷ്ട്ര വനിതാദിനം പ്രമാണിച്ച് ഇളവുകള്‍ പ്രഖ്യാപിച്ച് കേരള ടൂറിസം വികസന കോർപറേഷൻ

തിരുവനന്തപുരം: അന്താരാഷ്ട്ര വനിതാദിനം പ്രമാണിച്ച് ഇളവുകള്‍ പ്രഖ്യാപിച്ച് കേരള ടൂറിസം വികസന കോര്‍പ്പറേഷന്‍ (കെ.റ്റി.ഡി.സി.). തിരഞ്ഞെടുത്ത കെ.റ്റി.ഡി.സി പ്രോപ്പര്‍ട്ടികളില്‍ പരിമിതമായ റൂമുകളില്‍ 50% കിഴിവ് സഞ്ചാരികള്‍ക്ക് നേടാം. മാര്‍ച്ച് നാലിന് മുന്‍പ് നേരിട്ട് റിസര്‍വേഷന്‍ ചെയ്യുന്ന വനിതാ അതിഥികള്‍ക്കാണ് ഈ ഓഫര്‍ ലഭിക്കുക. മാര്‍ച്ച് അഞ്ച് മുതല്‍ 10 വരെ ഓഫര്‍ ലഭിക്കും.

ഓഫര്‍ ബാധകമായ പ്രോപ്പര്‍ട്ടികള്‍ – മാസ്‌കോട്ട് ഹോട്ടല്‍ (തിരുവനന്തപുരം), സമുദ്ര (കോവളം), വാട്ടര്‍ സ്‌കേപ്‌സ് (കുമരകം), ആരണ്യ നിവാസ് (തേക്കടി), ടീ കണ്‍ട്രി (മൂന്നാര്‍), അക്വ ലാന്‍ഡ് (കൊല്ലം), പെരിയാര്‍ ഹൗസ് (തേക്കടി), കുമരകം ഗേറ്റ് വേ (തണ്ണീര്‍മുക്കം), റിപ്പിള്‍ ലാന്‍ഡ് (ആലപ്പുഴ).

റിസര്‍വേഷനുകള്‍ക്ക് കെ.റ്റി.ഡി.സിയുടെ സെന്‍ട്രല്‍ റിസര്‍വേഷന്‍ സെന്ററില്‍ വിളിക്കാം – 9400008585, 18004250123. ഓഫര്‍ ലഭ്യമായി പ്രോപ്പര്‍ട്ടികളിലേക്ക് നേരിട്ടും വിളിക്കാം. കൂടുതല്‍ വിവരങ്ങള്‍ക്ക് www.ktdc.com.