കാലിസ്റ്റ 2025 ഉം മെരിറ്റ് അവാർഡ് ദാനവും

അമ്പലപ്പുഴ : നീർക്കുന്നം അൽ ഇജാബ സെൻട്രൽ സ്കൂളിൻ്റെ പത്തൊൻപതാം വാർഷികം കാലിസ്റ്റ 2025 ഉം മെരിറ്റ് അവാർഡ് ദാനവും ജില്ലാ കളക്ടർ അലക്സ് വർഗീസ് ഐ. എ .എസ് ഉദ്ഘാടനം ചെയ്തു. ചലച്ചിത്ര താരം സാജൻ പള്ളുരുത്തി കലാസന്ധ്യയുടെ ഉദ്ഘാടനം നിർവ്വഹിച്ചു. സ്കൂൾ മാനേജർ ഇബ്രാഹിം കുട്ടി വിളക്കേഴം അദ്ധ്യക്ഷനായി. പ്രിൻസിപ്പാൾ നീനാ സുരേഷ് സ്വാഗതം ആശംസിച്ചു. സ്കൂൾ മാനേജ്മെന്റ് ഭാരവാഹികളായ ഷെരീഫ് മൂത്തേടം, ഷാഹുൽ ഹമീദ്, മജീദ് തോട്ടുവാ ,ബദറുദ്ദീൻ നീർക്കുന്നം, അഷ്റഫ് പ്ലാമൂട്ടിൽ , അബ്ദുൾ കരീം ,അബ്ദുൾ ഷുക്കൂർ , ഷംസുദ്ദീൻ , പി.ടി.എ പ്രസിഡൻ്റ് ഷെമീർ പുതുപുരയ്ക്കൽ , വൈസ് പ്രസിഡൻ്റ് ഷൈനി , അധ്യാപക പ്രതിനിധി ജഫീന ഫൈസൽ , വിദ്യാർത്ഥി പ്രതിനിധികളായ ആസിഫ് അലി , നുസുഹ ഫാത്തിമ തുടങ്ങിയവർ പ്രസംഗിച്ചു. കുട്ടികളുടെ വിവിധങ്ങളായ കലാപരിപാടികളും അരങ്ങേറി.