അറിഞ്ഞോ? ഹ്യുണ്ടായി വെർണയ്ക്ക് വില കൂടി! പുതിയ വില അറിയാം…

ദക്ഷിണ കൊറിയൻ കാർ നിർമ്മാതാക്കളായ ഹ്യുണ്ടായി തങ്ങളുടെ ജനപ്രിയ സെഡാൻ വെർണയുടെ വില വർദ്ധിപ്പിച്ചു. ഈ കാറിന്റെ ഇപ്പോഴത്തെ എക്സ്-ഷോറൂംവില 11.07 ലക്ഷം രൂപയിൽ നിന്ന് ആരംഭിച്ച് 17.55 ലക്ഷം രൂപ വരെ എത്തുന്നു. 7,000 രൂപയാണ് ഹ്യുണ്ടായി വെർണയ്ക്ക് വർദ്ധിച്ചത്. ഇത് എല്ലാ വകഭേദങ്ങളിലും നടപ്പിലാക്കിയിട്ടുണ്ട്. ക്രെറ്റ, അൽകാസർ, ട്യൂസൺ, ഓറ തുടങ്ങിയ വാഹനങ്ങളുടെ വിലയും കമ്പനി അടുത്തിടെ വർദ്ധിപ്പിച്ചിരുന്നു. അതിനു പിന്നാലെയാണ് വെർണയുടെയും വർദ്ധന.

ഹ്യുണ്ടായി വെർണയുടെ പുതിയ പ്രാരംഭ എക്സ്-ഷോറൂംവില 11.07 ലക്ഷം രൂപ ആണ്. ഉയർന്ന വേരിയന്റിന് 17.55 ലക്ഷം രൂപയാണ് എക്സ്-ഷോറൂം വില. ഈ വർദ്ധനവ് എല്ലാ വകഭേദങ്ങൾക്കും ബാധകമായിരിക്കും എന്നാണ് റിപ്പോർട്ടുകൾ. ഹ്യുണ്ടായി വെർണയുടെ എഞ്ചിൻ പവർട്രെയിനിനെക്കുറിച്ച് പറയുകയാണെങ്കിൽ, ഈ കാർ രണ്ട് എഞ്ചിൻ ഓപ്ഷനുകളിലാണ് വരുന്നത്. 1.5 ലിറ്റർ നാച്ചുറലി ആസ്പിറേറ്റഡ് പെട്രോൾ എഞ്ചിനാണ് ഇതിന് കരുത്ത് പകരുന്നത്. രണ്ടാമത്തേത് 1.5 ലിറ്റർ ടർബോ-പെട്രോൾ എഞ്ചിനാണ്. എഞ്ചിൻ ട്രാൻസ്മിഷൻ ഓപ്ഷനുകളെക്കുറിച്ച് പറയുകയാണെങ്കിൽ, ഇതിന് 6-സ്പീഡ് മാനുവൽ, സിവിടി ഓട്ടോമാറ്റിക് ഗിയർബോക്സ് ലഭിക്കുന്നു. ഇതിനുപുറമെ, ഈ കാറിൽ 7-സ്പീഡ് ഡിസിടി ടർബോ എഞ്ചിൻ ഉണ്ട്.

ഹ്യുണ്ടായി വെർണ 10 വ്യത്യസ്ത നിറങ്ങളിൽ ലഭ്യമാണ്. 10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, 10.25 ഇഞ്ച് ഡിജിറ്റൽ ഡ്രൈവർ ഡിസ്‌പ്ലേ, സിംഗിൾ പെയിൻ സൺറൂഫ്, എയർ പ്യൂരിഫയർ സഹിതം വെന്റിലേറ്റഡ്, ഹീറ്റഡ് ഫ്രണ്ട് സീറ്റുകൾ തുടങ്ങിയ സവിശേഷതകൾ കാറിന്റെ ഇന്റീരിയറിലുണ്ട്. ഇതിനുപുറമെ, സുരക്ഷയ്ക്കായി 6-എയർബാഗുകൾ, ഇലക്ട്രോണിക് സ്റ്റെബിലിറ്റി കൺട്രോൾ, ടയർ പ്രഷർ മോണിറ്ററിംഗ് സിസ്റ്റം എന്നിവയും ഉണ്ട്.

എന്നാൽ വില വർധനവിന് പിന്നിലെ കാരണം ഹ്യുണ്ടായി ഔദ്യോഗികമായി വ്യക്തമാക്കിയിട്ടില്ല. അസംസ്‍കൃത വസ്‍തുക്കളുടെ വിലയിലെ വർദ്ധനവ്, നിർമ്മാണ ചെലവിലെ വർദ്ധനവ്, പുതിയ സുരക്ഷാ, സാങ്കേതിക സവിശേഷതകൾ തുടങ്ങിയ ചില കാരണങ്ങളാൽ വില വർദ്ധനവ് ഉണ്ടായേക്കാം. വിപണിയിൽ വെർണ ഹോണ്ട സിറ്റി, മാരുതി സുസുക്കി സിയാസ് തുടങ്ങിയ കാറുകളോടാണ് മത്സരിക്കുന്നത്.