ചാലയിൽ മോഷണം ; അന്യസംസ്ഥാന തൊഴിലാളി പിടിയിൽ

തിരുവനന്തപുരം: ചാലയിൽ മോഷണം നടത്തിയ അന്യസംസ്ഥാന തൊഴിലാളി പിടിയിൽ.നാഗാലാന്റ് സ്വദേശിയായ കൃഷ്ണ ലം (21) ആണ് പിടിയിലായത്.ശനിയാഴ്ചയായിരുന്നു മോഷണം.

ചാലയിലെ പച്ചക്കറി മൊത്ത വ്യാപാര സ്ഥാപനമായ എസ്.ആർ.ടി വെജിറ്റബിൾ മാർട്ടിന്റെ മുൻവശത്തെ തകര ഷീറ്റിളക്കി ഓഫീസ് റൂമിന്റെ ഗ്ലാസ് തകർത്താണ് 7000 രൂപ കവർന്നത്.

അന്വേഷണ സംഘം സി.സി ടിവി ദൃശ്യങ്ങൾ പരിശോധിച്ചാണ് പ്രതിയെ പിടികൂടിയത്. ഇയാളുടെ കാലിലെ നീളത്തിലുള്ള ടാറ്റുവും തിരിച്ചറിഞ്ഞിരുന്നു.പ്രതിയെ കോടതിയിൽ ഹാജരാക്കി റിമാൻഡ് ചെയ്തു.