1 min read

ഗ്യാനേഷ്കുമാർ മുഖ്യതെരഞ്ഞെടുപ്പ് കമ്മീഷണറാകും

February 18, 2025

ഡൽഹി: അടുത്ത മുഖ്യതെരഞ്ഞെടുപ്പ് കമ്മീഷണർ സ്ഥാനത്തേക്ക് ഗ്യാനേഷ്കുമാറിന്‍റെ പേര് ശിപാർശ ചെയ്‌തു.നിലവിലെ കമ്മീഷണർമാരിലൊരാളായ ഗ്യാനേഷ്കുമാറിന്‍റെ പേര് പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ ചേർന്ന സെലക്‌ഷൻ കമ്മിറ്റി രാഷ്‌ട്രപതിക്കു ശിപാർശ ചെയ്തതെന്ന് റിപ്പോർട്ടുകൾ.

മോദിയെ കൂടാതെ കേന്ദ്ര ആഭ്യന്തരമന്ത്രി അമിത് ഷാ, പ്രതിപക്ഷ നേതാവ് രാഹുൽ ഗാന്ധി എന്നിവരാണു യോഗത്തിൽ പങ്കെടുത്തത്.മുഖ്യ തെരഞ്ഞെടുപ്പ് കമ്മീഷണറുടെ നിയമനവുമായി ബന്ധപ്പെട്ട കേസ് സുപ്രീംകോടതി നാളെ പരിഗണിക്കുന്നുണ്ട്.

നിലവിലെ മുഖ്യ തെരഞ്ഞെടുപ്പ് കമ്മീഷണർ രാജീവ് കുമാർ ഇന്നു വിരമിക്കുന്ന സാഹചര്യത്തിലാണ് പുതിയ മുഖ്യ തെരഞ്ഞെടുപ്പ് കമ്മീഷണറെ തെരഞ്ഞെടുക്കുന്നതിനുള്ള യോഗം പ്രധാനമന്ത്രിയുടെ വസതിയിൽ ചേർന്നത്.