നമുക്ക്‌ കോടതിയില്‍ കാണാം’. ഫസ്റ്റ് ലുക്ക് പോസ്റ്റര്‍ പുറത്ത്

ശ്രീനാഥ് ഭാസി, ലാലു അലക്‌സ്, രണ്‍ജി പണിക്കര്‍ എന്നിവരെ പ്രധാന കഥാപാത്രങ്ങളാക്കി സംജിത് ചന്ദ്രസേനന്‍ സംവിധാനം ചെയ്യുന്ന ചിത്രമാണ് ‘നമുക്ക്‌ കോടതിയില്‍ കാണാം’. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു. ഹസീബ് ഫിലിംസ്, എം.ജി.സി പ്രൈവറ്റ് ലിമിറ്റഡിന്റെ ബാനറില്‍ നിര്‍മ്മിക്കുന്ന ചിത്രത്തിന്റെ തിരക്കഥ രചിച്ചിരിക്കുന്നത് ആഷിക്ക് അലി അക്ബര്‍ ആണ്. ചിത്രത്തില്‍ പുതുമുഖം മുണാളിനി ഗാന്ധിയാണ് നായിക.

ജോണി ആന്റണി, നിരഞ്ജന്‍ മണിയന്‍പിള്ള രാജു, ജാഫര്‍ ഇടുക്കി, സി ജോയ് വര്‍ഗീസ്, സുരയൂ, രശ്മി ബോബന്‍ എന്നിവരും ഈ ചിത്രത്തിലെ പ്രധാന താരങ്ങളാണ്. ഇവര്‍ക്കൊപ്പം പുതുമുഖം സഫല്‍ അക്ബറും പ്രധാന വേഷത്തിലെത്തുന്നു. സംവിധായകന്‍ നിഥിന്‍ രണ്‍ജി പണിക്കര്‍ ഈ ചിത്രത്തിലെ ഒരു പ്രധാന കഥാപാത്രത്തെ അവതരിപ്പിച്ച് കൊണ്ട് അഭിനയരംഗത്തെക്ക് എത്തുന്നുണ്ട്.

വിനായക് ശശികുമാറിന്റെ ഗാനങ്ങള്‍ക്ക് രാഹുല്‍ സുബ്രഹ്‌മണ്യം ഈണം പകര്‍ന്നിരിക്കുന്നു. മാത്യു വര്‍ഗീസ് ഛായാഗ്രഹണം നിര്‍വ്വഹിക്കുന്നു. നിര്‍മ്മാണ നിര്‍വ്വഹണം –നിജില്‍ ദിവാകര്‍. നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയായി വരുന്ന ഈ ചിത്രം ഏപ്രില്‍ മാസത്തില്‍ പ്രദര്‍ശനത്തിനെത്തുന്നു. പിആര്‍ഒ വാഴൂര്‍ ജോസ്.