നിര്‍മിത ബുദ്ധിക്ക് മികച്ച വിപണി ഇന്ത്യ: ഓപണ്‍ എ.ഐ ചീഫ് എക്സിക്യൂട്ടിവ് ഓഫീസര്‍

ഡല്‍ഹി: നിര്‍മിത ബുദ്ധിക്ക് (എ.ഐ) മികച്ച വിപണി ഇന്ത്യയെന്ന് ഓപണ്‍ എ.ഐ ചീഫ് എക്സിക്യൂട്ടിവ് ഓഫീസര്‍ സാം ആള്‍ട്മാന്‍. കഴിഞ്ഞ വര്‍ഷം രാജ്യത്ത് ഓപണ്‍ എ.ഐ ഉപയോക്താക്കള്‍ മൂന്നിരട്ടിയായതായി അദ്ദേഹം വ്യക്തമാക്കി. കേന്ദ്ര ഐ.ടി മന്ത്രി അശ്വിനി വൈഷ്ണവ് പങ്കെടുത്ത ചടങ്ങില്‍ സംസാരിക്കുകയായിരുന്നു അദ്ദേഹം. ചിപ്പുകള്‍ ഡിസൈന്‍ ചെയ്യുന്നതിലും എ.ഐ സാങ്കേതിക വിദ്യയുടെ അടിസ്ഥാന മോഡലുകള്‍ സൃഷ്ടിക്കുന്നതിലും രാജ്യം പുരോഗതി കൈവരിച്ചതായി അശ്വിനി വൈഷ്ടണവ് വിശദീകരിച്ചു.

എ.ഐ വിപ്ലവത്തില്‍ ഇന്ത്യക്ക് നിര്‍ണായക പങ്കുവഹിക്കാനാവുമെന്ന് ആള്‍ട്മാന്‍ പറഞ്ഞു. രാജ്യം മേഖലയില്‍ കൈവരിക്കുന്ന നേട്ടങ്ങള്‍ അത്ഭുതാവഹമാണ്. ഓപണ്‍ എ.ഐ സൃഷ്ടിച്ച എ.ഐ മോഡല്‍ വില കുറഞ്ഞതല്ല. പക്ഷേ, വില കുറഞ്ഞ മോഡലുകള്‍ ഇന്ന് സാധ്യമാക്കാനാവും. തീര്‍ച്ചയായും ഇന്ത്യ അതിന് മുന്നിട്ടിറങ്ങണം.