കഠിനംകുളം കൊലക്കേസ് പ്രതി ജോൺസൺ ആശുപത്രി വിട്ടു

തിരുവനന്തപുരം : കഠിനംകുളം ആതിര കൊലക്കേസ് പ്രതി ജോൺസണെ ആശുപത്രിയിൽ നിന്നും മാറ്റി. കസ്റ്റഡിയിൽ എടുക്കുമ്പോൾ എലിവിഷം കഴിച്ച നിലയിൽ കണ്ടെത്തിയ പ്രതി കോട്ടയം മെഡിക്കൽ കോളജിൽ ചികിത്സയിലായിരുന്നു.

ജോൺസൺ പൂർണ്ണ ആരോഗ്യവാനെന്ന് ഡോക്ടർമാർ സ്ഥിരീകരിച്ചതിനെ തുടർന്നാണ് പൊലീസ് ഇയാളുമായി തിരുവനന്തപുരത്തേക്ക് തിരിച്ചത്.

കഴിഞ്ഞ 21നാണ് സുഹൃത്തായ ആതിരയെ പ്രതി വീട്ടിൽ കയറി കൊലപ്പെടുത്തിയത്. തുടർന്ന് ഇവിടെ നിന്നും മുങ്ങിയ പ്രതിയെ ദിവസങ്ങൾക്ക് ശേഷം ചിങ്ങവനം കുറിച്ചിയിൽ നിന്നും പൊലീസ് പിടികൂടിയത്.