കരിവള ചിമ്മിയ പോലെയൊരാള്‍; മച്ചാന്റെ മാലാഖയിലെ ഗാനമെത്തി

സൗബിന്‍ ഷാഹിര്‍ നായകനായെത്തുന്ന ‘മച്ചാന്റെ മാലാഖ’.ചിത്രത്തിലെ ആദ്യഗാനം റിലീസ് ചെയ്തു. ഔസേപ്പച്ചന്‍ ഈണം പകര്‍ന്ന് വിനീത് ശ്രീനിവാസന്‍ ആലപിച്ച ‘കരിവള ചിമ്മിയ പോലെയൊരാള്‍’ എന്ന് തുടങ്ങുന്ന ഗാനമാണ് പുറത്തിറങ്ങിയത്. ചിത്രത്തില്‍ നമിത പ്രമോദ് ആണ് നായിക കഥാപാത്രത്തെ അവതരിപ്പിക്കുന്നത്.

അബാം മൂവീസിന്റെ ബാനറില്‍ ഷീലു എബ്രഹാം അവതരിപ്പിച്ച് ഏബ്രഹാം മാത്യു നിര്‍മ്മിക്കുന്ന ചിത്രമാണ് ‘മച്ചാന്റെ മാലാഖ’. ഫെബ്രുവരി 27ന് റിലീസിന് എത്തുന്ന ചിത്രം ബോബന്‍ സാമുവല്‍ ആണ് സംവിധാനം ചെയ്തിരിക്കുന്നത്.
ധ്യാന്‍ ശ്രീനിവാസന്‍, ദിലീഷ് പോത്തന്‍, മനോജ്, കെ.യു.(തിങ്കളാഴ്ച്ച നിശ്ചയം. ഫെയിം) ശാന്തികൃഷ്ണ , വിനീത് തട്ടില്‍, ആര്യ (ബഡായി) ആല്‍ഫി പഞ്ഞിക്കാരന്‍, ശ്രുതി ജയന്‍, രാജേഷ് പറവൂര്‍ എന്നിവരും ചിത്രത്തില്‍ പ്രധാന വേഷങ്ങളില്‍ എത്തുന്നു. ഇവര്‍ക്കൊപ്പം ഏതാനും പ്രമുഖ താരങ്ങളും ഈ ചിത്രത്തില്‍ അണിനിരക്കുന്നുണ്ട്.

സംവിധായകന്‍ ജക്‌സന്‍ ആന്റണിയുടെ കഥക്ക് അജീഷ്. പി. തോമസ് തിരക്കഥ രചിക്കുന്നു. സംഗീതം – ഔസേപ്പച്ചന്‍. ഛായാഗ്രഹണം- വിവേക് മേനോന്‍. എഡിറ്റര്‍ രതീഷ് രാജ്. കലാസംവിധാനം -സഹസ് ബാല, മേക്കപ്പ് – ജിതേഷ് പൊയ്യ. ഡിസൈന്‍ അരുണ്‍ മനോഹര്‍, എക്‌സിക്കുട്ടീവ് പ്രൊഡ്യൂസര്‍ – അമീര്‍ കൊച്ചിന്‍. ചീഫ് അസോസിയേറ്റ് ഡയറക്ടര്‍ ജിജോ ജോസ്. പ്രൊഡക്ഷന്‍ മാനേജര്‍സ് അഭിജിത്ത്. വിവേക് പ്രൊഡക്ഷന്‍ കണ്‍ട്രോളര്‍- ദീപക് പരമേശ്വരന്‍, വസ്ത്രാലങ്കാരം- അരുണ്‍ മനോഹര്‍ പ്രൊഡക്ഷന്‍ എക്‌സിക്യൂട്ടീവ് -പ്രതീഷ് മാവേലിക്കര, നസീര്‍ കാരന്തൂര്‍. പി ആര്‍ ഓ പി.ശിവപ്രസാദ്, മഞ്ജു ഗോപിനാഥ്, വാഴൂര്‍ ജോസ്, സ്റ്റില്‍സ് ഗിരിശങ്കര്‍, ഡിജിറ്റല്‍ മാര്‍ക്കറ്റിംഗ് ഒബ്‌സ്‌ക്യൂറ എന്റര്‍ടൈന്‍മെന്റ് എന്നിവരാണ് മറ്റ് അണിയറ പ്രവര്‍ത്തകര്‍