പതിമൂന്നുകാരിയെ ശല്യം ചെയ്ത യുവാവ് പിടിയിൽ

പീരുമേട്: പതിമൂന്നുകാരിയായ വിദ്യാർത്ഥിയെ പുറകെ നടന്ന് ശല്യം ചെയ്ത യുവാവിനെ പോലീസ് അറസ്റ്റ് ചെയ്‌തു.പശുമല പുതുക്കാട് ഭാഗത്ത് താമസിക്കുന്ന സൂര്യയെയാണ് (23) പിടിയിലായത്.

കഴിഞ്ഞ കുറേ നാളുകളായി പെൺകുട്ടിയെ ഇയാൾ പുറകെ നടന്നു ശല്യം ചെയ്യുകയായിരുന്നു. ഇതിൽ മനംമടുത്ത കുട്ടി സ്‌കൂൾ അധികൃതരെ വിവരം അറിയിച്ചു.

തുടർന്ന് സ്‌കൂൾ അധികൃതർ പൊലീസിൽ വിവരം അറിയിച്ചു. തുടർന്ന് പ്രതിയെ പിടികൂടുകയായിരുന്നു. അറസ്റ്റ് ചെയ്ത്‌ കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.