പാകിസ്താന്റെ ഹോം ഗ്രൗണ്ടാണ്, എങ്ങനെ പിച്ച് തയ്യാറാക്കണമെന്നത് അവര്‍ക്ക് തീരുമാനിക്കാം; ക്രെയ്ഗ് ബ്രാത്ത്‌വൈറ്റ്

പാക്കിസ്ഥാനിൽ നടന്ന മുള്‍ട്ടാന്‍ ടെസ്റ്റില്‍ സ്പിന്നര്‍മാര്‍ക്ക് അനുകൂലമായ പിച്ച് തയ്യാറാക്കിയതില്‍ പ്രതികരണവുമായി വെസ്റ്റ് ഇന്‍ഡീസ് നായകന്‍ ക്രെയ്ഗ് ബ്രാത്ത്‌വൈറ്റ്. ഇത് പാകിസ്താന്റെ ഹോം ഗ്രൗണ്ടാണ്. എങ്ങനെ പിച്ച് തയ്യാറാക്കണമെന്നത് അവര്‍ക്ക് തീരുമാനിക്കാമെന്ന് ക്രെയ്ഗ് ബ്രാത്ത്‌വൈറ്റ് പറഞ്ഞു. ഈ പിച്ചില്‍ ബാറ്റിങ് ബുദ്ധിമുട്ടായിരുന്നുവെന്നത് സത്യമാണ്. രണ്ടാം ടെസ്റ്റിലും സമാനമായ പിച്ചാണ് പ്രതീക്ഷിക്കുന്നത്. ശക്തമായ തിരിച്ചുവരവിന് രണ്ടാം ടെസ്റ്റില്‍ ശ്രമിക്കുമെന്നും ക്രെയ്ഗ് ബ്രാത്ത്‌വൈറ്റ് പറഞ്ഞു.

വെസ്റ്റ് ഇന്‍ഡീസിനെതിരായ ഒന്നാം ടെസ്റ്റില്‍ സ്പിന്‍ കെണിയൊരുക്കിയതിന് പിന്നാലെ പാകിസ്താന്‍ ക്രിക്കറ്റ് ടീം ക്യാപ്റ്റന്‍ ഷാന്‍ മസൂദും പ്രതികരിച്ചിരുന്നു. ലോക ടെസ്റ്റ് ചാംപ്യന്‍ഷിപ്പില്‍ മികച്ചൊരു ടീമാകണമെങ്കില്‍ ചില കാര്യങ്ങള്‍ ഒഴിവാക്കാന്‍ തയ്യാറാകണം. ഉദാഹരണമായി ഈ ടെസ്റ്റില്‍ ഫാസ്റ്റ് ബൗളര്‍മാര്‍ക്ക് അവസരങ്ങള്‍ വളരെ കുറവായിരുന്നു. ഷാന്‍ മസൂദ് ചൂണ്ടിക്കാട്ടി.