സമൂഹവിരുദ്ധർ ഹോട്ടലിന്റെ ചില്ല് തകർത്തു

മാൻവെട്ടം : മാൻവെട്ടത്ത് സമൂഹവിരുദ്ധർ ഹോട്ടലിന് നാശമുണ്ടാക്കി. കുരിശുപള്ളിക്ക് സമീപത്തെ സോൾട്ട് ആൻഡ് പെപ്പർ എന്ന ഹോട്ടലാണ് അക്രമികൾ തകർത്തത്.

വെള്ളിയാഴ്ച രാത്രി ഹോട്ടൽ അടച്ചതിനുശേഷമാണ് സംഭവം ഉണ്ടായത്. രആദ്യം ബൈക്കിൽ എത്തിയ മൂന്നുപേർ ഒരുവശം അടിച്ചുതകർത്തു. പിന്നീട് മറ്റൊരാൾ അടുത്തവശവും തകർക്കുന്നതിന്റെ ദൃശ്യങ്ങൾ സമീപത്തെ സി.സി.ടി.വി.യിൽ നിന്ന് പോലീസിന് ലഭിച്ചു.

ഹോട്ടലിന്റെ മുൻവശത്തെ ചില്ലുകളാണ് തകർത്തത്. ഹോട്ടൽ ഉടമ തോമസിന്റെ പരാതിയിൽ കടുത്തുരുത്തി പോലീസ് കേസെടുത്ത് അന്വേഷണം ആരംഭിച്ചു.