വീടിന് തീപിടിച്ചു; മൂകയും ബധിരയുമായ വയോധികയ്ക്ക് ദാരുണാന്ത്യം

കോട്ടയം: വീടിന് തീപിടിച്ച് മൂകയും ബധിരയുമായ വയോധികയ്ക്ക് ദാരുണാന്ത്യം. വൈക്കം ഇടയാഴം കൊല്ലന്താനം മേരി (75) ആണ് മരിച്ചത്. അടുപ്പില്‍ നിന്നും തീ പടര്‍ന്നതാകാം എന്നാണ് പ്രാഥമിക നിഗമനം. സംഭവ സമയം വീട്ടിൽ മേരി ഒറ്റയ്ക്കായിരുന്നു.

ഇന്നലെ രാത്രി 11 മണിയോടെ വീട്ടില്‍ നിന്നും തീയും പുകയും ഉയരുന്നത് കണ്ട് അയല്‍വാസികള്‍ എത്തുകയും തീ അണക്കാന്‍ ശ്രമം നടത്തുകയും ചെയ്തു. എന്നാൽ തീ അണയ്ക്കാൻ കഴിഞ്ഞിരുന്നില്ല. തുടർന്ന് വൈക്കം പൊലീസും ഫയര്‍ഫോഴ്‌സും എത്തിയാണ് തീ അണച്ചത്. എന്നാൽ തീ അണച്ച ശേഷം കത്തി കരിഞ്ഞ നിലയിലാണ് മേരിയുടെ മൃതദേഹം കിട്ടിയത്.