തെരുവുനായ കുറുകെച്ചാടി ; ഓട്ടോറിക്ഷ മറിഞ്ഞ് ഡ്രൈവർ മരിച്ചു

കടയ്ക്കാവൂർ : തെരുവുനായ കുറുകെച്ചാടിയതിനെ തുടർന്ന് ഓട്ടോറിക്ഷ മറിഞ്ഞ് ഡ്രൈവർ മരിച്ചു. കടയ്ക്കാവൂർ പള്ളിപുരയിടം വീട്ടിൽ അലക്സാണ്ടറാ(38)ണ്‌ മരിച്ചത്. അപകടത്തിൽ രണ്ടു യാത്രക്കാർക്കു പരിക്കേറ്റു.

ചൊവ്വാഴ്ച രാവിലെ എട്ടോടെയായിരുന്നു അപകടം ഉണ്ടായത്. അഞ്ചുതെങ്ങിൽ നിന്ന്‌ മീൻ വാങ്ങി കടയ്ക്കാവൂർ ഭാഗത്തേക്കു വരുമ്പോൾ അഞ്ചുതെങ്ങ് വൈ.ടു.കെ. ജങ്‌ഷനിൽെവച്ച് തെരുവുനായ ഓട്ടോറിക്ഷയ്ക്കു കുറുകെ ചാടുകയും നിയന്ത്രണംവിട്ട് ഓട്ടോറിക്ഷ മറിയുകയുമായിരുന്നു.

തലയ്ക്ക് ഗുരുതരമായി പരിക്കുപറ്റിയ അലക്സാണ്ടറെയും കൈക്കും കാലിനും പരിക്കുപറ്റിയ ഓട്ടോറിക്ഷായാത്രക്കാരായ ജനോവി, മേരി സുനിത എന്നിവരെയും ഉടൻതന്നെ ആശുപത്രിയിലേക്ക് മാറ്റിയെങ്കിലും അലക്സാണ്ടറിനെ രക്ഷിക്കാനായില്ല.