പോലീസിനെ വെട്ടിച്ചുകടന്ന പ്രതി പിടിയിൽ

പേരൂർക്കട : ആശുപത്രിയിൽ നിന്ന്‌ പോലീസിനെ വെട്ടിച്ച്‌ ഓടിപ്പോയ മോഷണക്കേസ് പ്രതി പിടിയിൽ.ശംഖുംമുഖം ഓൾസെയ്ൻറ്സ് ബാലനഗർ പുതുവൽ പുത്തൻവീട്ടിൽ അനൂപ്(30) ആണ് പിടിയിലായത്.

വ്യാഴാഴ്ച വൈകീട്ട് വലിയതുറയിൽ അമ്മയെ കാണാനായി വീട്ടിലെത്തിയപ്പോഴാണ്, പേരൂർക്കട പോലീസ് ഇയാളെ പിടികൂടിയത്. ചോദ്യം ചെയ്യലിനിടെ പേരൂർക്കട സ്റ്റേഷൻ പരിധിയിലെ ക്ഷേത്രമോഷണക്കേസിലെ പ്രതിയാണെന്ന് തിരിച്ചറിഞ്ഞു.

തുടർന്ന് പേരൂർക്കട പോലീസിന്‌ ഇയാളെ കൈമാറി. ദേഹപരിശോധനയ്‌ക്കായി ചൊവ്വാഴ്ച വൈകീട്ട് മൂന്നുമണിയോടെ പേരൂർക്കട ജില്ലാ ആശുപത്രിയിലെത്തിച്ചപ്പോഴാണ് പോലീസിനെ വെട്ടിച്ച് കൈവിലങ്ങുമായി പ്രതി മുങ്ങിയത്.