‘നിങ്ങള്‍ അടുത്തെത്തുന്തോറും മങ്ങും’; ആസിഫ് അലി ജിത്തു ജോസഫ് ടീമിന്റെ പുതിയ സിനിമയുടെ പേര് പ്രഖ്യാപിച്ചു

ആസിഫ് അലിയും ജീത്തു ജോസഫും ഒന്നിക്കുന്ന പുതിയ ചിത്രത്തിന്റെ പേര് പ്രഖ്യാപിച്ചു. പ്രേക്ഷകര്‍ ആകാംക്ഷാപൂര്‍വ്വം കാത്തിരുന്ന ചിത്രത്തിന് ‘മിറാഷ് ‘ എന്നാണ് പേരിട്ടിരിക്കുന്നത്. മോഷന്‍ പോസ്റ്ററിനൊപ്പമാണ് ടൈറ്റില്‍ പ്രഖ്യാപനം.’നിങ്ങള്‍ അടുത്തെത്തുന്തോറും മങ്ങും’ എന്ന ടാഗ് ലൈനോടെയാണ് ടൈറ്റില്‍ പോസ്റ്റര്‍ എത്തിയിരിക്കുന്നത്. ഈ മാസം ഷൂട്ടിംഗ് ആരംഭിക്കുന്ന ചിത്രത്തില്‍ ആസിഫ് അലിക്കൊപ്പം അപര്‍ണ്ണ ബാലമുരളിയും പ്രധാന വേഷത്തില്‍ എത്തും. സെവന്‍ വണ്‍ സെവന്‍ പ്രൊഡക്ഷന്‍സിന്റെയും ബെഡ് ടൈം സ്റ്റോറിസിന്റെയും സഹകരണത്തോടെ ഇ 4 എക്‌സ്പിരിമെന്റ്സും നാദ് സ്റ്റുഡിയോസും ചേര്‍ന്നാണ് ചിത്രം അവതരിപ്പിക്കുന്നത്. മുകേഷ് ആര്‍ മെഹ്ത, ജതിന്‍ എം സേതി, സി വി സാരഥി എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.

ഹക്കിം ഷാ, ഹന്ന റെജി കോശി, സമ്പത്ത് എന്നിവരാണ് മറ്റ് പ്രധാന വേഷങ്ങളില്‍. സതീഷ് കുറുപ്പാണ് ഡയറക്ടര്‍ ഓഫ് ഫോട്ടോഗ്രാഫി. വി എസ് വിനായക് ആണ് എഡിറ്റര്‍. പ്രൊഡക്ഷന്‍ ഡിസൈനര്‍ പ്രശാന്ത് മാധവ്, മ്യൂസിക് വിഷ്ണു ശ്യാം, ചീഫ് അസോസിയേറ്റ് ഡയറക്ടര്‍ സുധീഷ് രാമചന്ദ്രന്‍, കോസ്റ്റും ഡിസൈനര്‍ ലിന്റാ ജീത്തു, പ്രൊഡക്ഷന്‍ കണ്‍ട്രോളര്‍ പ്രണവ് മോഹന്‍, മേക്കപ്പ് അമല്‍ ചന്ദ്രന്‍, വി എഫ് എക്‌സ് സൂപ്പര്‍വൈസര്‍ ടോണി മാഗ്മിത്ത്, എക്‌സിക്യൂട്ടീവ് പ്രൊഡ്യൂസര്‍ കറ്റീന ജീത്തു, സ്റ്റില്‍സ് നന്ദു ഗോപാലകൃഷ്ണന്‍, പബ്ലിസിറ്റി ഡിസൈന്‍സ് യെല്ലോ ടൂത്ത്, ലൈന്‍ പ്രൊഡ്യൂസര്‍ ബെഡ് ടൈം സ്റ്റോറീസ്, പി ആര്‍ ഒ ആന്‍ഡ് മാര്‍ക്കറ്റിംഗ് വൈശാഖ് വടക്കേവീട്, ജിനു അനില്‍കുമാര്‍.