കാട്ടുപന്നിയുടെ ആക്രമണത്തിൽ പരിക്ക്

വടക്കാഞ്ചേരി : കാട്ടുപന്നിയുടെ ആക്രമണത്തിൽ ഒരാൾക്ക് പരിക്ക്.പുതുരുത്തി ചിരിയങ്കണ്ടത്ത് സേവ്യർ(42)നെ സാരമായി പരിക്കേറ്റത്തിനെ തുടർന്ന് മെഡിക്കൽ കോളേജിൽ പ്രവേശിപ്പിയ്ച്ചു. ഇയാളെ ശസ്ത്രക്രിയയ്ക്ക് വിധേയനാക്കി.

ബൈക്കിൽ യാത്ര ചെയ്യുന്നതിനിടെ പുതുരുത്തി കുരിശുപള്ളിക്ക് സമീപത്തുവെച്ചായിരുന്നു കാട്ടുപന്നിയുടെ ആക്രമണം ഉണ്ടായത്.

മുണ്ടത്തിക്കോട്, പാർളിക്കാട്, പുതുരുത്തി മേഖലകളിൽ കാട്ടുപന്നികളുടെ ശല്യം റോഡുകളിലും രൂക്ഷമായി. കൃഷിക്കു മാത്രമല്ല മനുഷ്യജീവനും വലിയ ഭീഷണിയായ സാഹചര്യത്തിൽ നടപടി സ്വീകരിക്കണമെന്ന് നാട്ടുകാർ ആവശ്യപ്പെട്ടു.