ഫൗണ്ട് ഫുട്ടേജ് ഹൊറർ ഷോർട്ട് ഫിലിം ‘ദി സെൽഫി ഗേൾ’ യൂട്യൂബിൽ റിലീസ് ചെയ്തു

നിർമൽ ബേബി വർഗീസ് സംവിധാനം ചെയ്ത ഫൗണ്ട് ഫൂട്ടേജ് ഷോർട്ട് ഫിലിമായ ‘ദി സെൽഫി ഗേൾ’ കാസാബ്ലാങ്കാ ഫിലിം ഫാക്ടറിയുടെ യൂട്യൂബ് ചാനലിൽ റിലീസ് ചെയ്തു. 2022 ൽ പുറത്തിറങ്ങിയ മലയാളത്തിലെ ആദ്യത്തെ ഫൗണ്ട് ഫുട്ടേജ് സിനിമയായ ‘വഴിയെ’യുടെ സംവിധായകൻ കൂടിയാണ് നിർമൽ.

കാസബ്ലാങ്ക ഫിലിം ഫാക്ടറിയുടെ ബാനറിൽ നിർമ്മിച്ച ചിത്രത്തിൽ ശാലിനി ബേബിയാണ് അഭിനയിച്ചിരിക്കുന്നത്. പൂർണ്ണമായും ദുബായിലാണ് ചിത്രം ചിത്രീകരിച്ചിരിക്കുന്നത്. സിംഗിൾ ഷോട്ടിൽ ചിത്രീകരിച്ചിരിക്കുന്ന ഈ ചിത്രത്തിന്റെ ദൈർഘ്യം 4 മിനിറ്റാണ്.

‘അന്തിമ ക്ഷണഗളു’ എന്ന കന്നഡ ഫൗണ്ട് ഫൂട്ടേജ് ചിത്രമാണ് കാസബ്ലാങ്ക ഫിലിം ഫാക്ടറിയുടെ ബാനറിൽ ബാനറിൽ അടുത്തതായി റിലീസ് ചെയ്യാനിരിക്കുന്നത്. മലയാള ചിത്രം വഴിയേയുടെ കന്നഡ പതിപ്പാണ് ‘അന്തിമ ക്ഷണഗളു’.

Film link: https://youtu.be/EcvqAMaCh6Q