നിരോധിത പുകയില ഉല്പന്നങ്ങള്‍ പിടികൂടി

ആനാട് : നിരോധിത പുകയില ഉല്പന്നങ്ങള്‍ എക്സൈസ് സംഘം പിടികൂടി.20 ചാക്ക് പാൻമസാല ഉത്‌പന്നങ്ങളാണ് പിടികൂടിയത്.

ആനാട് സ്വദേശി പ്രമോദാ(37)ണ് അറസ്റ്റിലായത്. ഓട്ടോറിക്ഷാ ഡ്രൈവറായ പ്രമോദിന്റെ വീട്ടിലെ ഗോഡൗണിൽ സൂക്ഷിച്ചിരുന്ന പാൻമസാല ഉത്‌പന്നങ്ങളാണ് എക്സൈസ് പിടികൂടിയത്.

മൂന്നുലക്ഷം രൂപ വിലവരുന്ന ഉത്‌പന്നങ്ങളാണ് പിടിച്ചെടുത്തത്. നെടുമങ്ങാട് താലൂക്കിലെ മലയോരമേഖല കേന്ദ്രീകരിച്ചായിരുന്നു വില്പന.തമിഴ്‌നാടിൽ നിന്ന് തെന്മല വഴിയാണ് കൊണ്ടുവരുന്നത്.