ഓട്ടോ തനിയെ നീങ്ങി യുവതിയെയും കുഞ്ഞിനെയും ഇടിച്ചിട്ടു

കോഴിക്കോട്: കൊയിലാണ്ടി താലൂക്ക് ആശുപത്രി പരിസരത്ത് നിർത്തിയിട്ടിരുന്ന ഓട്ടോ തനിയെ നീങ്ങി യുവതിയെയും കൈക്കുഞ്ഞിനെയും ഇടിച്ചു. ഇന്ന് രാവിലെ 11നാണ് അപകടം. ഡ്രൈവർ ഇറങ്ങിപ്പോയതിന് പിന്നാലെ ഓട്ടോ തനിയെ നീങ്ങുകയായിരുന്നു.ആനവാതിൽ സ്വദേശി സബീനയും കുഞ്ഞുമാണ് അപകടത്തിൽപ്പെട്ടത്.യുവതിയുടെ കാലിലൂടെ ഓട്ടോ കയറിയിറങ്ങുകയായിരുന്നു. ഇവർ ആശുപത്രിയിൽ ചികിത്സ തേടി. കുഞ്ഞിന് പരിക്കേറ്റിട്ടില്ല.