ഉപതെരഞ്ഞെടുപ്പുകളിൽ 100 ശതമാനവും വിജയം ബി.ജെ.പി ക്ക് ; രഥോത്സവവുമായി ബന്ധപ്പെട്ട് തെരഞ്ഞെടുപ്പ് മാറ്റിയത് ബി.ജെ.പിയുടെ വിജയത്തിന് സഹായിക്കും: കെ. സുരേന്ദ്രൻ

പാലക്കാട്: ബി.ജെ.പിയല്ലാതെ മറ്റാരും ജയിക്കില്ല. കേരളത്തിൽ നടക്കുന്ന ഉപതെരഞ്ഞെടുപ്പുകളിൽ 100 ശതമാനവും ബി.ജെ.പി. ജയിക്കുമെന്ന് സംസ്ഥാന അധ്യക്ഷൻ കെ. സുരേന്ദ്രൻ. കൽപ്പാത്തി രഥോത്സവവുമായി ബന്ധപ്പെട്ട് തെരഞ്ഞെടുപ്പ് മാറ്റിവച്ചത് ബി.ജെ.പിയെ സഹായിക്കും.

രഥോത്സവ ദിവസം തെരഞ്ഞെടുപ്പ് നടക്കുന്നത് പ്രത്യക്ഷമായി പതിനേഴോളം ബൂത്തുകളിലെയും പരോക്ഷമായി മുപ്പതിലധികം ബൂത്തുകളിലെയും വോട്ടർമാർക്ക് ബുദ്ധിമുട്ടുണ്ടാക്കുന്ന കാര്യമാണ്. പ്രത്യേകിച്ച് സ്തീകളെ. മൂന്ന് മണി വരെ അവർ രഥോത്സവത്തിൻ്റെ തിരക്കിലായിരിക്കും. അതിന് ശേഷം അവരെ പോളിംഗ് ബൂത്തിലേക്ക് എത്തിക്കുക എന്ന് പറയുന്നത് വളരെ ബുദ്ധിമുട്ടുള്ള കാര്യമാണെന്നും സുരേന്ദ്രൻ പറഞ്ഞു.