യൂത്ത് കോൺഗ്രസ് നടത്തിയ പ്രതിഷേ ധമാർച്ചിനിടെ സിപിഎം ആക്രമണം; സംഘർഷ ത്തിൽ ഒരാൾക്ക് പരിക്ക്

ഷൊർണ്ണൂർ: ചെറുതുരുത്തിയിൽ വികസന മുരടിപ്പെന്ന് ആരോപിച്ച് യൂത്ത്കോൺഗ്രസ് നടത്തിയ പ്രതിഷേധമാർച്ചിനിടെ സിപിഎം ആക്രമണം നടത്തിയതായി പരാതി.സംഘർഷത്തിൽ യൂത്ത് കോൺഗ്രസ് പ്രവർത്തകൻ നിഷാദ് തലശേരിക്ക് പരിക്കേറ്റു. പോലീസിനു മുന്നിൽ വച്ച് സിപിഎം പ്രവർത്തകർ തന്നെ മർദിക്കുകയായിരുന്നു എന്ന് നിഷാദ് പറഞ്ഞു. സംഭവത്തെ തുടർന്ന് ചെറുതുരുത്തിയിൽ കോൺഗ്രസ് പ്രവർത്തകർ പ്രതിഷേധിച്ചു.സ്ഥലത്ത് എത്തിയ പോലീസിന് നേരെയും പ്രവർത്തകർ തിരിഞ്ഞു. സംഘർഷസാധ്യത കണക്കിലെടുത്ത് സ്ഥലത്ത് വൻ പോലീസ് സംഘം നിലയുറപ്പിച്ചിരിക്കുകയാണ്.