ശക്തമായ മഴയിൽ മലമ്പുഴ മാവേലി സ്റ്റോർ ഗെയ്റ്റിനു മുന്നിൽ മരക്കൊമ്പ് ഒടിഞ്ഞു വീണു

മലമ്പുഴ: ഇന്നലെ രാത്രി പന്ത്രണ്ടു മണിയോടെ മലമ്പുഴയിൽ ഉണ്ടായ ശക്തമായ ഇടിയോടു കൂടിയ കാറ്റിലും മഴയിലും മലമ്പുഴ പഞ്ചായത്ത് പരിസരത്തെ മാവേലി സ്റ്റോർ ഗെയ്റ്റിനു മുന്നിൽ വൈദ്യുതി ലൈനിലേക്ക് തേക്ക് മരത്തിൻ്റെ വലിയൊരു കൊമ്പു് പൊട്ടി വീണു.മാവേലി സ്റ്റോർ, കൃഷി ഭവൻ, അംഗൻവാടി എന്നിവടങ്ങളിലേക്ക് പോകുന്ന ഗെയ്റ്റിനും റോഡിലെ പ്രധാന വൈദ്യുതി ലൈനിനു മുകളിലൂടെയുമാണ് മരക്കൊമ്പ് വീണത്. വലിയ ഒരു സ്പ‌ാർക്കിങ്ങോട്ടു കൂടിവൈദ്യുതി നിലച്ച് പരിസരമാകെ ഇരുട്ടിലായെന്ന് പരിസരത്തെ ലോഡ്‌ജിലെ ജീവനക്കാരൻ പറഞ്ഞു.ഉടൻ തന്നെ അദ്ദേഹം വൈദ്യുതി വകുപ്പിനെ അറിയിച്ചതിനെ തുടർന്ന് ജീവനക്കാർ വൈദ്യുതി ലൈൻ ഓഫ് ചെയ്ത‌്‌ ലൈനിലെ ചില്ലകൾ വെട്ടിമാറ്റി വൈദ്യുതി ബന്ധം പുന:സ്ഥാപിച്ചു.